Aurrera egiteko dugun grinak berrikuntzara bultzatzen gaitu, gure bezeroen beharretara hobekien egokitzen den abangoardiako irtenbidea bilatzera. Egunero tranbia, trena, metroa eta autobusak erabiltzen dituzten milaka erabiltzaileen eskakizunei erantzuteko teknologia garatzen dugu. Sormenez eta modu berritzailean.
Trenbide arloko berrikuntzak
Horizon 2020 programaren baitako Europako Shift2Rail programan parte hartzen dugu.
Europako trenbide arloko lehen ekimen teknologikoa da eta honako helburu hauek ditu:
- Europako trenbide-sarearen edukiera hobetzea.
- Bidaiariarentzako zerbitzuetan eta segurtasunean kalitate eta fidagarritasun handiagoa ematea.
- Trenbideko soluzioen bizi-zikloaren kostua % 50eraino murriztea.
CAF T&Ek honako proiektu hauetan parte hartzen du:
IN2STEMPO
CAF T&Ek trenbide-sistemaren monitorizaziorako eta energia-fluxuen analisirako sistema adimendunen garapenean parte hartzen du.
IN2SMART
CAF T&E tranbia-biltegiaren diseinu aurreratua garatzen ari da, tranbien mugimendu-fluxuak eta espazioen banaketa optimizatuz.
X2RAIL 4
CAF T&E eguzki-energian oinarritutako elikadura-sistema autonomo bat garatzen ari da hornidura elektrikoko sarera iristeko zailtasunak dituzten landa-eremuko kontrolagailuentzat.
Ikuspegi digitalarekin
Teknologia digitaletan oinarritzen gara, gure azpiegituren energia-efizientzia, segurtasuna eta fidagarritasuna hobetzera bideratutako abangoardiako soluzioak emateko:
Big data analitika
Big data analitika teknologiak erabiltzen ditugu garraio sistemen energia-efizientzia hobetzeko eta mantentze-lanak optimizatzeko, egoeran oinarritutako irizpideen bidez (CBM).
Digital twin
Azpiegituraren biki digitalak (digital twin) garatzen ditugu, haien portaera aurreikusteko eta hobetzeko. Tresna bat landu dugu, trakzio-energia hornitzeko sare konplexuen portaera simulatzea ahalbidetzen duena, trenbide-sistemen azpiegitura energetikoaren diseinua optimizatzeko.
Katenariarik gabeko sistemak
Pertsonen segurtasuna bermatzearekin batera, hirigune historikoa edo hiriaren estetika zaindu nahi ditugunez, katenariarik gabeko sistemak garatzen ditugu, hala nola SCIE (Energia azpitik biltzeko sistema), segurtasun-maila handienarekin (SIL 4).
