ADIFek eraginkortasun energetikoaren eta jasangarritasunaren arloan I+Gn abiarazitako proiekturik handinahikoenetakoa da. Azken helburua, Espainiako trenbideetan instalatutako lehen energia-sare adimenduna ezartzea da. Horrela, hornidura elektriko fidagarriagoa, energetikoki efizienteagoa eta, ondorioz, jasangarriagoa lortzea da xedea.
CAF T&Ek proiektu pilotu honen garapenean parte hartuko du, landa-ekipamenduaren hornidurarekin (azpiestazioak) eta trakzio-kontsumoen simulazioarekin lotutako lan guztiak kudeatuz, esleitutako kilometro-tartean sarearen biki digital bat sortzeko.
Ezaugarri hauek dituen lehen proiektua da, eta CAF T&Ek, 2019an Smart Gridsen esparruan lanean hasi zenetik eskuratutako ezagutza guztia modu praktikoan aplikatzeko aukera izango du.
CAF T&Ek, trenbide-energiaren azpiegituran eta trenbide operazioan oinarritutako trakzio-kontsumoen simulazioan daukan esperientziarekin lagunduko du.
ADIFek proba pilotu hau baliatuko du sare baten kontsumo-puntuei buruzko ezagutza handiagoa lortzeko, bere funtzionamendua optimizatzeko, aktiboak mantentze aldera sarearen benetako egoera ezagutzeko, eta energia elektrikoaren fakturazioa optimizatzeko, merkatu elektrikoaren eta trenbide-ingurunearen bilakaeraren arabera.
Gainera, potentzia-fluxuak denbora errealean kontrolatzea eta energia-intentsitatea murriztea ahalbidetuko du energia elektrikoa murriztuz, kontsumoaren optimizazioari esker. Hau guztiaren ondorioz, kontsumoarekin lotutako berotegi-efektuko gasak gutxituko dira.
CAF T&Ek garatuko dituen lanetarako 39 hilabeteko iraupena aurreikusten da, eta gure taldea segur aski maiatzean hasiko da lanean.